Gikumpirma sa ahensya sa K-Pop star ug actor nga si Cha Eun-woo nga Fantagio nga opisyal nang nahimong katoliko ang aktor siya mabunyagan human sa usa ka Simbahang Katoliko niadtong Hunyo samtang nagserbisyo sa militar. Atol sa pagbunyag, gihatagan siya sa ngalan nga John the Apostle.
Sa South Korea, adunay kapilian ang mga nagserbisyo sa militar nga motambong sa mga kalihokan sa relihiyon nga gipahigayon sulod sa ilang mga yunit.
Misulod si Eun-woo sa mandatory military service sa South Korea niadtong Hulyo 28 ug karon miyembro sa Army Military Band. Sa maong nasud, obligado ang tanang lawasnong himsog nga kalalakin-an nga adunay edad 18 hangtod 28 anyos nga motuman sa military service.
Mibisita usab si Eun-woo sa Pilipinas niadtong Marso 2024 alang sa Manila leg sa iyang Just One 10 Minute [Mystery Elevator] fan meeting tour. Matod pa sa aktor nga malipayon siya sa matag higayon nga makaperform alang sa iyang mga Filipino fans nga kanunay mosuporta ug kusog nga moabiabi kaniya.
Niadtong Nobyembre 2024, gipahibalo usab nga si Eun-woo ang mahimong bida kauban si Park Eun-bin sa seryeng The WONDERfools, nga gipasalida niadtong Mayo karong tuiga.
Ang serye usa ka comedy action-adventure nga naghisgot sa usa ka grupo sa mga ordinaryong lumulupyo nga kalit nakabaton og superpowers ug nakigbatok sa mga kontrabida aron mapanalipdan ang siyudad sa Haeseong.
Nagdebut si Eun-woo isip miyembro sa K-pop boy group nga ASTRO niadtong 2016 ug dali nga nailhan tungod sa iyang talento ug maayong panagway.
Misikat usab siya isip aktor pinaagi sa mga drama nga My ID Is Gangnam Beauty, True Beauty, A Good Day to Be a Dog, ug Wonderful World.
Niadtong 2024, opisyal usab niyang gisugdan ang iyang solo music career pinaagi sa EP nga Entity.
