GENERAL SANTOS CITY – Nagpaklaro si Engr. Emerald Signar ang labaw sa City Engineering Office (CEO) nganong wala pa nahuman ang construction sa traffic light sa Santiago Blvd. ning dakbayan.
Matud pa ni Engr. Signar nga unta sa miaging 2019 pa nahuman ang maong proyekto apan natanggong hangud karon.
Gikadugang pa sa nasampit nga opisyal nga ilang girekomenda na ang termination sa kontrata sa contractor sa maong proyekto.
Samtang ilang gitawagan na ang Abritique Associates sa Davao City nga humanon na ang nahibilin nga trabaho.
Gibutyag ni Signar nga operational na ang maong traffic light apan magkaproblema tungod sa gamay nga island nga makababag sa traffic flow.
Gihingusgan pa niini nga ang si Mayor Ronel Rivera ang maoy magpagawas og final termination sa kontrata.
Dili makuha sa syudad ang termination bond kung walay final termination sa kontrata.
