GENERAL SANTOS CITY – Anaa na sa 95 % ang turnout kon nahuman sa census nga gipahigayon sa Sarangani Province.
Matud pa ni Jun Ramos, ang labaw sa Philippine Statistics Authority (PSA) SarGen nga pipila ka balay lang ang kinahanglang balikan sa mga enumerators aron makompleto tanan ang census.
Dakong hagit sa mga enumerators ang pagbalay-balay hilabina nga nakasinati og Covid19 pandemic.
Gibutyag niini, nadelatar ang trabaho sa ilang buhatan tungod kinahanglang sundon ang mga health protocols samtang ang ubang lugar nga giadtuan sa mga enumerators ang gipailawom sa lockdown hinungdan nga dili makapahigayon og census.
Sa pamahayag ni Ramos nga sa GenSan adunay ubay-ubay nga tagbalay ang gabalibad nga makuhaan og datos alang sa census apan subling gibalikan sa mga enumerators.
Sa dihang gipasabot sa tumong miuyon usab ang mga nagbalibad.
