GENSAN- Gipahibalo ni Allan Marcilla, department head sa CENRO nga padayon ang ilang nagkalain-laing programa alang sa pagprotekta sa kinaiyahan ug pag-atubang sa climate change, lakip na ang watershed conservation, reforestation, ug riverbank rehabilitation sa dakbayan.
Gawas sa binulan nga city-wide cleanup activity ug coastal resource management, gihingusgan usab sa buhatan ang water resource management pinaagi sa “Save a River” project aron maseguro ang water security sa General Santos sa umaabot nga mga dekada.
Gawas niini, gipasigarbo ni Marcilla ang mga big-ticket projects ubos sa pagdumala ni Mayor Lorelie Pacquiao sama sa 40 milyones ka pesos nga pundo alang sa pagkompleto sa Queen Tuna Park, ang pagtukod og Children’s Playground, ug ang Phase 2 sa Silway River Park nga himuon nga daw usa ka esplanade
