Malampuson nga naoperahan si Boston Celtics star Jaylen Brown sa iyang tuo nga tuhod.
Ang 2024 Finals MVP miagi sa arthroscopic surgery, usa ka minimally invasive surgical procedure aron malimpyohan ang pipila ka gagmay nga mga problema sa tuhod sa beterano nga forward.
Gipaabot nga mamahimong andam si Brown alang sa pagsugod sa training camp ug sa 2025-2026 season.
Matod sa team, walay limitasyon ang mamahimong partisipasyon ni Brown sa sunod season, bisan pa sa iyang operasyon sa tuhod.
Sa miaging season, si Brown nag-average og 22 points per game, 4.5 assists per game, ug 5.8 rebounds per game.
Bisan og dili swerte ang Celtics nga nakaabante sa conference finals, si Brown maoy nanguna sa ilang kataposang playoff series tungod sa injury nga nahiaguman sa iyang tandem nga si Jayson Tatum.
Ang kanhi Finals MVP gilauman usab nga mangulo pag-usab sa iyang team sa pagsugod sa season tungod sa taas nga recovery period nga gitakda alang kang Tatum, human sa iyang operasyon sa nabali nga Achilles tendon.
Sa sunod season, ang Boston star gilauman nga makadawat og kinatibuk-ang $53 million isip kabahin sa iyang $304 million nga kontrata, nga gikonsiderar nga labing dako nga kontrata sa NBA sa dihang gipirmahan kini sa iyang team.
