GENERAL SANTOS CITY – Gibutyag ni Raymond Ledesa, Bulaong terminal Administrator nga dakong tabang ang mga cctv hilabi na sa panahon sa kuwaresma nga mo dagsa ang mga pasahero.
Kahibaluan nga usa ka taas nga holiday season ang semana santa diin mudagsa ang daghang pasahero nga mosulod ug mogawas sa dakbayan.
Usa usab kini ka hagit kanila tungod sagad mahitabo nga magkulang na ang mga bus nga mo byahe tungod sa kadaghan sa pasahero.
Sa karun adunay 16 ka monitors nga makatabang sa pagbantay sa seguridad sa bulaong Terminal ug ginapaabot pa ang gi request nga lain pang 2 ka additional monitors nga ibutang usab sa terminal.
Gipasalig usab ni Ledesma nga luwas ang seguridad sa mga pasahero sa Bulaong Terminal karung semana santa.
Samtang, nakig alayon na usab sila sa mga kapulisan ug uban pang mga ahensiya nga mutabang sa pagbantay aron nga magpabiling tunhay ang dagan sa nasampit nga terminal atol sa mahinungdanong kalihukan.
