Nagpadayag og mainiton nga Christmas greeting si Archbishop Gilbert A. Garcera D.D., Archbishop sa Lipa ug Presidente sa Catholic Bishops’ Conference of the Philippines, sa tanang tigpaminaw sa Bombo Radyo ug Star FM.
Matud niya nga ang espiritu sa Pasko angay magpuyo sa kasingkasing sa matag usa ug mahimong giya sa adlaw-adlaw nga mga buhat.
Iya usab gi-awhag ang katawhan nga dad-on sa ilang pamuyo ang kalinaw, katarunganon, ug ang gugma ug grasya sa Diyos aron mapalig-on ang komunidad.
Gipahimangnoan usab niini nga sa pagselebrar sa Pasko, dili lamang materyal nga butang ang angay hatagan og bili, kondili ang pagpakita og gugma ug pagtabang sa isigkatawo.
Nagpasalamat siya sa suporta sa katawhan sa simbahan ug sa mga programa alang sa kaayohan sa komunidad.
Sa katapusan, nagpanawagan siya sa tanan nga magmalipayon ug mapanalanginan sa pagsaulog sa Pasko._
