Giawhag ni Catholic Bishops Conference of the Philippines (CBCP) president Cardinal Pablo Virgilio David ang mga Filipino nga iapil sa ilang mga pag-ampo ang hingpit nga pagkaayo ni Pope Francis.
Naatol kini sa padayon nga pagkaayo sa Santo Papa gikan sa respiratory infection.
Nanawagan si Cardinal David sa mga Katoliko nga mag-ampo alang sa pagkaayo ni Pope Francis ug hingpit nga pagkaayo sa iyang sakit.
Ang Apostolic nuncio sa Pilipinas, si Arsobispo Charles Brown miawhag usab sa mga Pilipino sa pag-ampo alang sa paspas nga pagkaayo sa Santo Papa.
Gi-ampo usab sa arsobispo ang mga doktor ug nars nga padayong nag-atiman sa Santo Papa. Base sa pamahayag sa Vatican, pabiling stable ang kahimtang sa Santo Papa samtang na-confine sa Gemelli hospital sa Roma.
Una siyang na-admit sa nahisgutang tambalanan ning milabayng semana tungod sa bronchitis apan pagkadugayan ni-develop kini nga pneumonia sa iyang duha ka baga.
