GENERAL SANTOS CITY – Gibutyag ni Mayor Lorelie Geronimo Pacquiao nga adunay ihatag nga cash incentive ang syudad sa GenSan sa mga atleta nga makasakmit og Gold, Silver, og Bronze Medal sa 2024 SOCCSKSARGEN Regional Athletics Meet nga ipahigayon dinhi sa dakbayan sa Gensan sa umaabot nga Mayo 13 hangtud 17, 2024.
Matud sa Mayor, ang syudad may pondo niini. Sa iyang pamahayag, anaa sa P67 Million ang gigahin nga budget sa renovation sa Acharon Sports Complex.
Kahinumduman nga sa pagdaug sa GenSan isip Overall Champion sa 2023 SRAA Meet didto sa Kidapawan City , nakadawat og cash incentive gikan LGU ang mga atleta nga nakasakmit og Gold, Silver, og Bronze Medal.
Ang insentibo sa matag medalya nga nadawat sa mga atleta mao ang mga musunod: Sa Regular sports, ang Gold medal-P5,000; Silver -P3,000 og Bronze medal-P2,000 ang insentibo.
Alang sa Paragames og Demo Sports ang Gold medalist makadawat og P3,000; Silver: P2,000 og Bronze: P1,000. Samtang gisiguro usab sa Mayor nga andam ang LGU isip host sa 2024 SRAA Meet.
