Nagpahibalo ang National Commission of Senior Citizens (NCSC) sa pilot implementation sa usa ka bank transfer system karong unang quarter sa tuig aron mas paspas, mas transparent, mas luwas, ug mas sayon ang pag-apod-apod sa mga benepisyo para sa mga senior citizen.
Dugang pa niini nga ang sistema nagtumong sa pagsiguro nga ang mga benepisyo direktang madawat sa mga kwalipikado nga centenarian mismo.
Samtang, gimando usab sa NCSC ang hinanaling pagproseso ug pag-apod-apod sa P100,000 nga cash gift para sa upat ka Aeta centenarian nga wala mahatag niadtong 2024, human sa pagbalhin sa programa gikan sa Department of Social Welfare and Development ngadto sa komisyon niadtong 2025.
Bisan wala pa madawat sa NCSC central office ang mga aplikasyon, ang hinanaling aksyon agig tubag sa backlog gikan sa kanhing implementing agency aron matubag dayon ang nahabilin nga mga benepisyaryo sama sa gilatid sa Republic Act No. 11982 o ang Expanded Centenarians Act.
Sumala ni Gutierrez, ang recruitment ug verification sa mga kwalipikadong benepisyaryo nagpadayon bisan pa man og walay gi-allocate nga pundo sa komisyon sa 2024.
Niadtong 2025, ang NCSC naka-distribute og kapin sa P2.8 bilyon nga cash gifts, lakip na ang mga nalangan nga benepisyaryo gikan sa 2024.
Sa pagkakaron, ang NCSC nakig-alayon sa lokal nga gobyerno sa Capas, Tarlac aron makompleto ang mga gikinahanglan nga dokumento para sa hinanaling paghatag og cash gifts sa mga Aeta centenarians.
