Anaa pa’y kapin 50,000 ka mga senior citizens sa nasud nga wala pa nakakuha sa ilang cash gift ilawom sa Expanded Centenarians Act of 2024.
Nanawagan si Edwin Espijo, Commission Member IV sa Edwin Espijo, ngadto sa mga senior citizens nga lihukon na ang ilang mga dokumento aron mas dali nilang makuha ang ilang benepisyo.
Sumala pa kaniya, importante nga kompleto ug husto ang mga papeles sama sa birth certificate ug uban pang valid nga dokumento aron mapamatud-an ang ilang pagkatawo ug kwalipikasyon sa maong programa.
Gipadayag usab nga ang pamilya sa mga senior citizens adunay dakong papel sa pagtabang aron masiguro nga hapsay ug tukma ang pagproseso sa mga kinahanglanon, ilabi na sa mga tigulang nga lisod na makalihok.
Ang maong cash gift kabahin sa implementasyon sa Expanded Centenarians Act of 2024 nga naghatag og pinansyal nga insentibo sa mga senior citizens nga nag-edad og 80, 85, 90, 95, ug 100 ka tuig isip pag-ila sa ilang kontribusyon sa katilingban.
Ang National Commission of Senior Citizens mipasalig nga magpadayon ang ilang impormasyon ug kampanya aron mas daghan pa nga benepisyaryo ang makabenepisyo sa programa.
