GENERAL SANTOS CITY – Mukabat sa 100 milyones ka pesos nga kantidad ang ipanghatag sa mga mag-uuma ug mananagat nga apektado sa hulaw dinhi sa dakbayan.
Kini ang gibutyag ni Gensan City Mayor Lorelie Pacquaio nga ugmang adlawa Mayo 10, matigayon ang panghatag ug financial assistance sa Lagao Gym.
Matud sa Mayor nga gigahin ang maong kantidad alang sa 26 ka barangay sa syudad pinaagi sa City Agriculture’s office sa DSWD ug Congressman Antonio Acharon Jr.
Gipaklaro usab sa Mayor nga ang makadawat sa maong hinabang ang anaa sa listahan sa City Agriculture’s office.
Dugang pa niya nga ang mga benepisyaryo adunay claim stub nga ipakita kung mukuha na sa ilang hinabangi.
Nasayran nga si Pangulong Ferdinand Marcos Jr. maong gi-lauman nga personal nga mag apod-apod sa maong hinabang.
