Gi welcome ni President Ferdinand Marcos Jr. ug sa First Family si two-time Olympic champion Carlos Yulo kauban ang Filipino Olympic medalists ug mga atleta sa Malacañang Palace.
Sul-ob sa Pangulo ug first Lady Louise ”Liza” Araneta-Marcos ang black jackets nga adunay marka nga Philippines .
Kauban usab ang mga anak sa Pangulo nga silang Joseph Simon ug William Vincent Marcos nga nakighimamat sa mga atleta sa Palasyo.
Nakita sa First Family sa pag-abut sa mga atleta nga mikanaug sa puti nga bus ug naglakaw padulong sa Pangulo ug sa iyang mga minahal. Nakiglamano ang mga atleta sa Presidente, First Lady ug mga anak.
Nakita usab ang pagsaludo sa mga bronze medalist nga silang Nesty Petecio ug Aira Villegas ngadto sa Pangulo ug ang pagkit-anay sa Pangulo sa two-gold-medal-winner Carlos Yulo.
Human sa picture taking misunod ang dinner . Didto gianunsyo ni Marcos ang paghatag ug tig usa ka milyon ka pesos sa matag Olympian.
Ang Pilipinas nahimong best Southeast Asian team sa Olympics nga nakakuha ug upat ka medalya.
Anaa kini sa ika 37 nga pwesto nga adunay duha ka gold ug duha ka bronze medal.
