Pasidunggan isip “Athlete of The Year 2024” sa awarding ceremony si Carlos Yulo nga ipahigayon sa Philippine Sportswriters Association (PSA) sa Enero 27, Manila Hotel.
Human makadaog og double gold medal sa 2024 Paris Olympics alang sa artistic gymnastics, takos si Caloy niini nga award, bisan pa sa mga isyu sa personal ug pamilya nga iyang giatubang duyog sa iyang kalampusan sa sports.
Si Carlos maoy ikaduhang gymnast nga napiling atleta sa tuig.
Ang unang gymnast nga nahatagan niini nga award mao si Pia Adelle Reyes, niadto pang 1997. Nabantog si Reyes sa dihang miapil siya sa 1997 Jakarta Southeast Asian (SEA) Games, nga nakadaog og tulo ka gold medals human nakadaog sa balance beam ug all-around event. .
Sa 2001 SEA Games nga gipahigayon sa Kuala Lumpur, Malaysia, si Reyes nakauli og silver medal sa balance beam ug bronze medal sa floor exercise.
Gawas sa Athlete of The Year award, pasidunggan usab ang ubang mga atleta sa “NSA of the Year,” “President’s Award,” “Executive of the Year,” “Tony Siddayao Awards,” “Hall of Fame,” ug espesyal sa pag-ila sa ubang Filipino Olympians nga misalmot sa Paris Olympics ug Paralympics.
Dili kini ang unang higayon nga si Yulo nominado isip “Athlete of the Year”. Gihatagan usab siya niini nga award sa daghang mga tatak sa magasin sa nasud.
Nakadawat usab siya og “Impact Award for Culture” gikan sa usa ka lifestyle magazine. Ang Athlete of The Year sa 2023 mao ang male pole vaulter nga si EJ Obiena.
