Nalipay pag-ayo si Carla Abellana human niyang ipa-ila sa publiko nga engaged na siya sa iyang misteryosong uyab. Sa iyang Instagram post gipakita niya ang litrato sa iyang kamot nga nagsul-ob og singsing nga adunay bilog nga diamante samtang gihawiran sa iyang partner ang iyang kamot. Gisulat niya ang Bible verse nga Jeremiah 29:11 isip caption.
Wala gihapon niya ipakita ang nawong o pangalan sa iyang uyab nga non-showbiz.
Daghang artista ang nag-timbaya kaniya lakip sila Rita Daniela, Rabiya Mateo, Max Collins, Chynna Ortaleza, Andrea Torres, Jessy Mendiola, Jodi Sta. Maria ug Coney Reyes.
Si Carla nagsugod og pakig relasyon pag-usab niadtong Agosto ug nagdagsang dayon ang mga alingasngas nga engaged na sila. Karon klaro nang tinuod.
Kahinumduman si Carla gikasal kang Tom Rodriguez niadtong 2021 apan nagbulag sila pipila ka bulan human sa kasal. Natapos ang ilang divorce sa US niadtong 2022 ug giila usab kini sa Philippine court niadtong Hunyo 2024.
