Andam na si Gilas Pilipinas forward Carl Tamayo alang sa umaabot nga FIBA Asia Cup 2025, dala niini kasinatian ug kalampusan gikan sa iyang international stints.
Sa tulo ka tuig, nakadaog na si Tamayo og duha ka propesyonal nga titulo sa liga, usa sa Japan B.League ug labing bag-o sa Korean Basketball League (KBL) kauban ang Changwon LG Sakers.
Siya usab ang unang Pinoy nga nakadaog og kampiyonato sa duha ka liga.
Matod ni Tamayo, dako og tabang ang iyang internasyonal nga kasinatian sa pag-atubang sa mga edaran ug mas beteranong mga magdudula.
Makatan-aw na usab ang Filipino fans kang Tamayo sa Araneta Coliseum karong Lunes, sa send-off game sa Gilas batok sa Macau Black Bears, sa dili pa modula ang team sa Saudi Arabia alang sa Asia Cup sulod sa duha ka semana.
