-- ADVERTISEMENT --
22 ka tripulante sa usa ka cargo ship ang naluwas human kini nasunog sa kadagatan sa Alaska.
Ang barko nga may bandera sa Liberia nga Morning Midas naglawig gikan sa pantalan sa Yantai sa China ug padulong sa Lazaro Cardenas, Mexico, sa dihang kini nasunog.
Nagdala kini og 3,000 ka mga sakyanan, lakip ang 800 ka electric car.
Matod sa operator niini nga Zodiac Maritime nga napugos ang US Coast Guard sa pagpabakwit kanila tungod kay dili na nila makontrol ang kadako sa sunog.
Nagpadala ang US Coast Guard og mga aircrew ug cutter nga mga barko aron mapalong ang kalayo, nga hangtod karon hagit nila nga mapalong.
-- ADVERTISEMENT --
