Nasunog ug adunay sunod-sunod nga pagboto ang Singapore-flagged cargo ship Wan Hai 503 samtang padulong sa Mumbai, nga maoy hinungdan sa pagkahulog sa 40 ka container ngadto sa Arabian Sea ug daghang mga tripulante ang miambak sa dagat aron makaikyas.
Matud kang Shekhar Kuriakose sa Kerala State Disaster Management Authority, nahitabo ang insidente sa gibana-bana nga 144 kilometros gikan sa baybayon sa Kerala, India.
Sa mga hulagway nga gipaambit sa Indian Coast Guard sa social media platform X (kaniadto Twitter) nagpakita sa baga nga aso gikan sa barko ug nasunog nga mga sudlanan duol sa tinubdan sa sunog.
Matud sa defense ministry, ang barko kasamtangan nga nagdilaab ug naglutaw sa kadagatan.
Wala pa gipahibalo kung unsang klase nga kargamento ang gisulod sa mga container, ug nagpadayon ang imbestigasyon sa hinungdan sa mga pagbuto.
Kahinumduman nga usa usab ka container vessel ang nalunod sa susamang rehiyon sa miaging buwan hinungdan sa pagkahulog sa 100 ka containers ngadto sa dagat, apan walay natalang oil spill.
