Nanawagan si Pablo Virgilio David sa mga magtutuo nga mag-ampo alang sa kalinaw sa Gitnang Silangan samtang nagbantay ug nagsimba sa Blessed Sacrament karong Huwebes Santo.
Gibuhat niya ang maong panawagan sa paglalin sa Kabanal-banalang Sakramento human sa Misa sa Last Supper sa San Roque Cathedral sa Caloocan.
Giawhag sa Kardinal ang mga Kristohanon sa hilom nga pag-ampo alang sa mga apektado sa gubat ug sa ubang lugar nga nag-antos sa kapintasan.
Matud pa niya, angay nga hangyoon ang Ginoo nga pukawon ang konsensya sa mga lider sa kalibutan aron panalipdan ang mga sibilyan ug ayohon ang mga samad sa gubat.
Sa iyang mensahe, gipasiugda niya nga unta manaig ang kalinaw ug pag-asa sa tibuok kalibutan.
Samtang, kapin 3,000 na ang napaulat nga namatay sa nagpadayon nga gubat sa rehiyon nga nagsugod human sa opensiba sa Estados Unidos ug Israel batok sa Iran niadtong Pebrero 28.
