Gipaklaro ni Pmaj. Lemuel Enrijo ang labaw sa Mabuhay Police Station nga natural death ang gikamatyan sa usa ka Canadian Citizen sa Purok 6 Luwalhati Village, Barangay Mabuhay, ning dakbayan.
Sumala pa nga nareport kini sa kapulisan alas 11 sa buntag kagahapong adlawa, Marso 19 ning tuiga.
Giila ang biktima nga si Victor Wolfgang Luts, 16 anyos, Single ug residente sa Luwalhati Village, Barangay Mabuhay, ning syudad.
Sa inisyal nga imbestigasyon gisaysay matod pa sa caretaker nga giilang si alyas Leo nga niadtong petsa 18 sa gabii, ang biktima ang nag higda sa sofa ug nag butang ig ice saiyang dughan, iya pa gipangutana ang biktima apan nitubag ra kini ug okay ra sya ug gipapauli na si Leo.
Alas 9:20 sa buntag kagahapon pag sulod niya sa balay sa biktima iyang giistorya ang nahisgutan apan wala na kini response hinungdan nga iyang gipulsuhan.
Gilayon nga gipahibalo ni alyas Leo ang insidente sa silingan sa biktima nga si alyas Rodney. Giproseso usab sa RFU-12 SOCO Team ang lugar ug nasayran nga walay nawala nga gamit sa canadian citizen nga si Victor Wolfgang Luts.
