GENERAL SANTOS CITY – Gihingusgan ni Atty. Renato Magbutay, regional director sa Comelec 12 nga ang mga campaign posters lamang sa mga nasyonal nga kandidato ang ilang gipangkuha atol sa Oplan Baklas.
Matud pa ni Magbutay nga kini gumikan nagsugod na ang campaign period sa mga national candidates.
Samtang sa bahin sa mga lokal nga kandidato wala pa gipangbaklas gumikan wala pa nagsugod ang campaign period og dili pa makonsidera nga kandidato.
Apan sa mga pribadong area nga may pagtugot sa tag-iya ang dili hilabtan.
Hinoon gipaklaro ni Magbutay nga una pangkuhaon ang mga campaign posters nga wala sa designated area ang pahibaluon ang kandidato og makalabay ang 72 oras nga wala na nakuha ilang pangkuhaon .
Gihingusgan ni Magbutay nga kada lugar ang adunay designated nga common poster area.
