GENERAL SANTOS CITY – Nagsugod na ang campaign period alang sa pagka kongresista sa third district sa South Cotabato.
Nasayran nga Septiembre 11 hangtud sa October 24, 2019 ang campaign period kon asa nag-iyahay na og pagpangampanya ang mga kandidato.
Upat ka mga kandidato ang nag-file sa ilang certificate of candidacy (CoC) alang sa October 26, 2019 nga election.
Base sa Republic Act 11243 ang General Santos City ang nahimong third district sa South Cotabato.
Ang unang distrito nga apil ang GenSan kanhi mao ang Polomolok, Tampakan og Tupi.
Samtang ang ikaduhang distrito mao ang Koronadal City, Banga, Lake Sebu, Norala, Sto. Niño, Surallah, Tantangan og Tboli.
Nasayran nga gisuspenso sa Comelec ang election sa pagka-kongresista sa GenSan og sa unang distrito sa South Cotabato og gitakda sa Oktobre 26.
Ang Comelec ang gapahinumdum sa katawhan kalabutan sa implementasyon sa gun ban.
Kung unsa ang balaod kalabutan sa election mao usab ang tumanon sa election period nga gipatuman sa GenSan og sa unang distrito sa South Cotabato.
Ang mga botante sa miaging Mayo 2019 election ang maoy makaboto sa piniliay sa Oktobre 26, 2019.
