Siyam sa 12 ka nagdaog nga mga senador sa May 12 midterm elections ang naggasto sang masobra P100-million kada isa para sa ila pagpangampanya.
Sandig sa Statements of Contributions and Expenditures (SOCEs) nga ginpasa sa Commission on Elections (Comelec), ang nagapanguna sa listahan amo si Senator Camille Villar. Naggasto siya sang P179.64-milllion sa bilog nga campaign period nga nag-umpisa sang Pebrero 11 tubtub sang Mayo 10.
Nagasunod sa iya si Senator Lito Lapid nga naggasto sang P163.58-million kag si Pia Cayetano nga P162.01-million.
Nagapang-apat si Senator Imee Marcos (P139.30-million), Senator Ronald “Bato” dela Rosa (P128.73-million) kag Senator Bong Go (P127.31-million).
Ang iban pa nga naggasto sang masobra P100-million amo sanday Senators Francis “Kiko” Pangilinan (P119.40-million), Rodante Marcoleta (P112.86-million), and Erwin Tulfo (P110.36-million).
Ang mga senador naman nga wala nakalab-ot sa P100 million ang gasto amo sanday Senators Tito Sotto kag Bam Aquino. Ang may yara sang lowest expenditure sa campaign period amo si Panfilo “Ping” Lacson (PHP18,955,871).
Sa layi nakasaad nga kada kandidato dapat maggasto lang sang P3 sa kada rehistrado nga botante. May masobra sa 68 million registered voters nga nagboto para sa eleksyon sang nagligad nga Mayo 2025.#
