Motambong ang mga Prime Minister sa Cambodia ug Thailand sa espesyal nga miting sa mga Foreign Ministers sa Disyembre 22 sa Kuala Lumpur, Malaysia.
Kini aron masugdan ang mga panagsulti aron mapugngan ang dugang nga panagbangi sa utlanan tali sa duha ka nasud.
Sumala ni Prime Minister sa Malaysia nga si Anwar Ibrahim, ang miting gikatakda unta kaniadtong Disyembre 16 apan gi-postpone.
Miingon siya nga ang tumong sa miting mao ang pagkombinsir sa Thailand ug Cambodia nga mohunong sa paglala sa tensyon sa gikuwestiyon nga mga utlanan.
Miingon siya nga ang desisyon sa pagpatawag og espesyal nga miting sa ASEAN nagsunod sa ilang mga panagsulti uban ni Presidente Donald Trump sa US.
Nanawagan usab siya sa duha ka nasud nga hunongon dayon ang ilang opensiba batok sa usag usa ug kung mahimo, ipatuman dayon ang ceasefire
