GENERAL SANTOS CITY – Kasupakan sa Section 5( pagbaligya og ginadiling droga ) ilawom sa RA 9165 kon Comperehensive Dangerous Drugs Act 2002 ang atubangon sa usa ka call center agent human nga nadakpan sa gipahigayong operasyon sa sakop sa Bula Police Station.
Giila ang suspetasado nga si Lougie Faye Nalugon Ricafoorte alias LF, 23 anyos nga residente sa Tondo Gate 1 Brgy Cannery Polomolok South Cotabato.
Gipahigayon ang operasyon bandang alas sa gabie sa Queen Tuna Park Brgy. Dadiangas South ning syudad kung asa positibong napalitan ang suspek og usa ka rolyo nga gituohang gipaugang mariwana.
Gikabutyag nga anaa sa 3.5 gramos ang nakumpiska mariwana sa posisyon sa suspek nga may street value nga kapin P400.00.
Una ang operasyon, nakadawat og tawag ang maong estasyon kalabot sa ilegal nga gimbuhaton sa suspek hinungdan nga gilayong nagpahigayunan og operasyon nga nagresulta sa malampusong pagkadakop sa naasoyng call center agent.
