Gikumpirma sa Commission on Appointments nga nadawat na nila ang mga appointment papers sa bag-ong gituboy nga Department of Interior and Local Government (DILG) Secretary Jonvic Remulla kagahappon, Oktubre 13.
Ug bisan ang appointment papers ni DTI Secretary Cristina Aldeguer-Roque.
Sumala kang Surigao Del Sur 2nd district Rep. Johnny Pimentel, bisan pa matod pa nadawat na ang mga gikinahanglan nga papeles ni Remulla, dili gilayon kini maproseso sa CA.
Muagi pa ang mga papeles sa Kongreso kung asa kasamtangan usab nga nakabakasyon ang Kamara.
Si Remulla ang mihulip sa pwesto ni kanhi DILG Secretary Benhur Abalos nga nagresigna sa pwesto tungog magpapili kini isip Senador.
Gibutyag ni Pimentel ilawom sa konstitusyon, mahimong magtuboy ang Malakanyang og appointments bisan naka-break ang Kongreso og ginatawag kini nga ad-interim appointments.
