GENERAL SANTOS CITY– Miresulta na ang gihimong pagpasirado sa City Permits and Licensing Division sa mga establisemento nga wala naglukat og business permit bisan ug na-isyuhan na og notice of violation.
Kini tungod midangop sa naasoy nga buhatan ang mga operator aron paghangyu sa maong buhatan nga subli nga ablihan ang ilang pwesto samtang gina-asikaso pa ang mga papeles.
Una nang gibutyag ni Geraldine Zamora nga balaud kini nga ilang ginapatuman hinungdan nga nagbutang ug padlock sa mga malapason nga establisemento.
Matud niini nga kun tugtan nga makaabli subli nga walay gihuptan nga permit gikan sa syudad walay pulos ang ilang ginahimo.
Subling nanawagan sa mga negosyante nga dili na hulaton nga masiradhan ang ilang pwesto ayha pa mukuha og permit.
Matud niini nga una mangabli sa negosyo o kaha human nga ma-isyuhan og notice of violation kinahanglan dayon nga iproseso ang mga papeles una mulampas ang deadline nga trenata diyas.
Kahibaluan nga sa miaging semana daghang pwesto sa mga mall ang gipasirado sa CPLD.
