GENERAL SANTOS CITY – Pwede gihapon nga pasiradhan ang usa ka business establishment dinhi kung masayran nga wala maka-display ang business permit.
Kini ang gihingusgan ni Geraldine Zamora, ang labaw sa City Permits and Licensing Division sa dakbayan sa Heneral Santos tungod kasupakan kini sa Revenue Code sa syudad.
Gibutyag sa nasampit, hangtod na lang sa Pebrero 15, adlaw nga Lunes sila muasikaso sa magkuha sa ilang opisina sa kopya sa business permits.
Sa iyang pamahayag nga paglapas sa maong petsa wala nay personahe nga muatubang sa mga mu-claim sa ilang business permit tungod mag-inspeksyon na ang mga personahe sa BPLD sa mga business establishment.
Sa pamahayag ni Zamora nga kinahanglan nga angayang nakasab-it ang business permits sa klaro og daling makit-an nga butanganan aron dali usab kining ma-inspeksyon sa inspectio team sa BPLD.
