Labing menos 31 ka mga tawo ang namatay sa aksidente sa bus nga pasaheroan sa Bolivia ug kapin sa 12 ang nasamdan, sumala sa lokal nga mga awtoridad.
Matod sa mga awtoridad, posibleng nawad-an og kontrol ang drayber sa bus hinungdan nga nahulog kini mga 800 metros gikan sa pangpang sa habagatang kasadpang lungsod sa Yocalla. Ang aksidente nahitabo sa kurbada ug naglikoliko nga mga dalan.
Matod sa kapulisan nga nag-ila sa mga biktima, 10 niini ang hingkod ang panuigon ug 4 ka bata ang nalandig sa tambalanan, ug pipila kanila anaa na sa seryosong kahimtang.
Nasuta sa mga otoridad nga ang titip nga dalan ug ang kakusog sa dagan sa bus maoy posibleng hinungdan sa maong trahedya. Nagpadayon ang operasyon sa mga rescuer samtang nagpadayon ang imbestigasyon sa hinungdan sa aksidente.
