Nasakmit sa Bureau of Customs (BOC) ang wala gideklara nga foreign currency gikan sa usa ka Filipino nga pasahero sa Ninoy Aquino International Airport (NAIA) Terminal 1 .
Giingong dunay mga kadudahang butang ang nakit-an sa Custom agent atol sa X-ray screening sa mga bagahe nga gidala sa mga Pinoy paingon sa Hong Kong. 3.95 milyon nga Japanese Yen, 20,000 Euros, ug 8,500 Kuwaiti Dinars ang nadiskubre atol sa physical inspection.
Matod sa BOC-NAIA , ang pasahero gipasakaan na og kasong kalapasan sa Customs Modernization and Tariff Act, Manual of Regulations on Foreign Exchange Transactions, The New Central Bank Act, ug Anti-Money Laundering Act.
Nakatala usab ang BOC-NAIA og 158 ka interceptions sa undeclared falsely declared currency niadtong 2024 ug 28 ka kaso gikan sa Enero 2025 hangtod karon.
