GENERAL SANTOS CITY – Lakip nga gihisgutanan sa sesyon sa Sangguniang Panglungsod kagahapong adlawa ang kalabot sa pagbalhin sa Bula Police Station ngadto sa Alunan sa bagsakan.
Kini gumikan kahibaluan nga problema sa ubang mga police station dinhi sa siyudad gumikan wala silay kaugalingong luna nga gipatindogan sa ilang gambalay.
Base sa urgent resolution ni Kag. Vandyke Congson, gihangyo kang Mayor Ronnel Rivera nga muhatag ug 5,000 square meters alang sa permanenteng lokasyon sa nasampit nga police station.
Apan wala pa napasa ang naaso’yng resolusyon gumikan gihisgutan ang kalabutan sa pagdonar sa maong lugar, hilabi na nga matud kang Kag. Rosalita Nuñez, may problema sa maong lugar gumikan sa isyu sa pagdonar.
Nasayran nga kanhing sementeryo ang naasoy’ng lugar nga gidonar sa pamilyang Santiago.
