GENERAL SANTOS CITY – Temporaryo nga gisiradhan ang Bula Police Station human nagpositibo sa COVID 19 ang upat ka priso samtang duha ka pulis usab ang nagka close contact sa mga nasampit.
Matud ni P/Lt. Omar Baret, deputy chief sa Bula PNP nga anaa lamang sa ilang presinto ang nahisgutang mga piniriso human nagpositibo sa RT-PCR test.
Samtang ang duha ka pulis ang nagpaabot pa sa resulta sa ilang swab test.
Gipaklaro niini dili madala sa barangay isolation facility ang nahisgutang mga priso kini tungod wala mihatag ug pagtugot ang korte nga ipagawas sila sa selda.
Nakasulod ang coronavirus sa ilang presinto dihang nadakpan ang duha ka suspek sa pagdunggab patay sa usa ka miyembro sa lesbian, gay, bisexual, and transgender (LGBT).
Natakdan pa ang nahisgutang mga suspek sa LGBT nga positibo sa COVID 19.
Ulahi na lamang nahibaw-an nga positibo sa virus ang duha tungod ulahi na migawas ang resulta sa COVID test.
Gitambagan na lamang kadtong mga residente nga buot mukuha ug travel authority nga didto muadto sa ubang presento.
