GENSAN – Bugas gayud gikan sa NFA ang nakuha sa bodega nga panag-iya ni Herbert Tamone. Kini ang gibutyag sa taga NBI atul sa imbestigasyon nga gipatawag sa National Food Authority kagahapong adlawa.
Kini human migawas ang resulta nga Thailand rice ang bugas nga panag-iya matud pa ni Gemma Libuon dihang gipahigayon ang raid sa NBI ug taga NFA.
Gumikan niini walay pagduha-duha nga giangkon ni Libuon nga gikan sa mga empliyado sa NFA Koronadal ang naasoy nga bugas .
Nasuta nga walay lisensya sa pagbaligya ug bugas si Libuon nga nagpuyo sa Doña Soledad Labangal ning dakbayan apan taga Isulan Sultan Kudarat.
Nasayran gikan sa taga NFA Koronadal nga mga empliyado nga na hire kaniadtong tuig 1989 ang gadawatan ug NFA rice nga mibaligya usab ngadto kang Libuon.
Migawas usab sa imbestigasyon nga adunay 16 ka sako sa NFA rice nga panag-iya ni Nelson Alnas ang naa didto sa bodega.
Subli nga ipatawag ang mga nahisgutan tungod wala sila makapresenta ug abogado atul sa preliminary hearing nga gipahigayon sa NFA regional Office kagahapong adlawa.
