GENERAL SANTOS CITY – Gikabalak-an nga mahitabo nga mahutdan og suplay sa bugas ang nasud ugaling nga magdugay pa ang krisis nga giatubang tungod sa coronavirus disease.
Matud pa ni Kag. Jeng Gacal, may nadungog kining nadawat nga matud pa dili na mubaligya ang Vietnam sa ilang bugas ngadto sa PiLipinas.
Panglantaw sa opisyal nga kini tungod naniguro usab ang Vietnam nga i-reserve ang ilang bugas hilabina sa panahon karon nga nagkalisod tungod sa epekto sa covid 19.
Sa pamahayag ni Kag. Gacal angayan unta nga dili magsalig ang Pilipinas sa bugas nga ma-import niini sa ubang nasud.
Ang LGU-GenSan nanghatag og relief goods para sa mga apektadong residente sa COVID 19 crisis sa syudad.
Samtang nanawagan sa tanan nga musunod sa mga patakaran nga gipatuman sa gobyerno kung asa gipailawom sa enhance community quarantine aron mapukan ang coovid 19.
Sa pamahayag ni Kag. Gacal, kung magpabilin nga gahi ang ulo og dili mutuman ang mga tawo sa kamanduan tingali basin imbes nga duha ka semana lamang nga home quarantine, madugayan pa hinuon og musamot pa ang krisis.
