Gikuha ni Pat Connaughton, wingman sa Milwaukee Bucks, ang iyahang player option alang sa 2025-26 NBA season nga nakkantidad ug $9.4 million, matud sa mga taho kaiadtong Sabado (oras sa Amerika).
Ang 32-anyos nga beteranong magdudula adunay hangtod Martes aron magamit ang kapilian sa katapusang tuig sa iyang tulo ka tuig nga extension nga nagkantidad og $28.5 milyon, nga iyang gipirmahan kaniadtong 2022.
Sa miaging season, si Connaughton nag-average og 5.3 points, 2.7 rebounds ug 1.7 assists sa 41 ka duwa, apan nakaduwa og gamay nga 14.7 minutos matag duwa, ang iyang pinakaubos sa pito ka tuig niya sa Milwaukee.
Ang iyang 3-point shooting mius-os usab ngadto sa 32.1%, ang pinakaubos sukad sa iyang rookie season niadtong 2015-16.
Siya una nga gipili sa Brooklyn Nets sa ikaduhang hugna sa 2015 NBA Draft, apan gipadala dayon sa Portland Trail Blazers, diin siya nagdula sa tulo ka mga panahon.
Mibalhin siya sa Bucks isip free agent niadtong 2018 ug kabahin sa team nga nakadaog sa NBA championship niadtong 2020-21.
Sa iyang karera, si Connaughton nag-average og 6.0 points, 3.4 rebounds, ug 1.4 assists sa 595 ka duwa, lakip ang 72 isip starter.
