Gipaalerto sa Bangko Sentral ng Pilipinas (BSP) ang publiko human makadawat og impormasyon nga adunay entity nga ginganlag “12 Stars Sunflower Holding Corporation” ug ang giingong lider niini nga si “Princess Jonah A. Seneca.”
Gisangkapan kuno niini ang BSP sa pagpangayo ug kuwarta ug gisaad ang bahin sa pundo nga gideposito sa bank account.
Giklaro sa BSP nga wala kini konektado ug walay transaksiyon sa nahisgutang kompanya o bisan sa Seneca.
Ang BSP dugang nga naghatag ug gibug-aton nga kini wala magtanyag, maghupot, o magmentinar sa mga deposit account alang sa mga indibidwal.
Aron magbantay batok sa mga ilegal nga pag-access, ang BSP nagtambag sa publiko nga likayan ang pagpadala ug kuwarta sa wala pa mapamatud-an nga mga account ug gikan sa pakigtransaksyon sa mga entidad ug mga indibidwal nga nagpakaaron-ingnon nga mga opisyal o ahente sa BSP.
Giawhag usab ang publiko sa pagsusi sa impormasyon nga ilang nadawat gikan sa maong mga kompaniya ug personalidad nga nag-angkon nga konektado sa central bank ug sa pagtaho sa bisan unsang ilegal nga kalihokan.
