Nanawagan si Governor Eli M. Remolona, Jr. sa Bangko Sentral ng Pilipinas (BSP) nga ipadayon ang paningkamot sa gobyerno ug pribadong sektor aron mapadayon ang kalampusan human matangtang ang nasud sa “grey list” sa Financial Action Task Force (FATF) .
Ang nasangpit nga rekord maoy listahan sa mga nasod nga gikinahanglan pa nga mosagop sa ilang mga lakang batok sa money laundering ug sa pagpondo sa terorismo.
Gitumbok sa pangulo sa BSP ang kamahinungdanon sa “vigilant” o alerto sa mga bag-ong risgo nga mahimong makaapekto sa sistema sa panalapi.
Atol sa ilang tigom, giila sa ahensya ang mga buhatan ug sektor nga nakatabang sa pagkab-ot niining maong milestone.
Lakip niini ang ubos sa BSP, Anti-Money Laundering Council, Securities and Exchange Commission, ug Insurance Commission.
Ang gitawag nga Stakeholders Appreciation Program, nga gipahigayon niadtong Marso 5, 2025 sa BSP Manila, usa ka kahigayonan sa pagpasalamat sa mga grupo ug indibidwal nga miuswag sa tumong sa nasud nga makabaton ug mas luwas nga sistema sa panalapi.
