Migasto ang Bangko Sentral ng Pilipinas (BSP) ug halos P5 bilyon sa paglusad sa mga bag-ong polymer nga salapi sumala sa Commision on Audit.
Matud sa ahensya, giaprubahan sa Monetary Board ang lima ka kontrata sa suplay sa ika-upat nga quarter sa 2023 sa kantidad nga P4.98 bilyon alang sa produksyon sa mga bag-ong salapi ilawom sa New Generation Currency Series, lakip ang mga denominasyon nga P1,000; P500; P100; ug P50.
Ang unang kontrata ang natigayon kaniadtong Hulyo 13, 2023. Samtang ang lain pang kontrata ang gihimo kaniadtong Setyembre 28, 2023.
Kaniadtong Oktubre 19, 2023, ang kontrata alang sa mga supply ang nagkantidad ug P2.6 bilyon.
Parehong German company ang nakakuha sa lain pang kontrata kaniadtong Nobyembre 16, 2023, nga may kinatibuk-ang P3.718 bilyon alang sa duha ka kontrata.
Gikumpirma usab sa BSP nga wala mabutang sa bag-ong polymer banknotes ang mga hulagway sa mga bayani sa Pilipinas.
Hinuon makita sa mga bag-ong bills ang mga mananap, tanum sama Philippine eagle ug sampaguita flower sa P1,000 bill, Visayan spotted deer ug endemic orchid sa P500 bill.
Ang mga bag-ong bills nga napagawas sa limitadong ihap sa Greater Manila area ug gilauman nga mapakatag kini sa tibuok nasud sa bulan sa Enero sunod tuig .
