BSP gipasigarbo ang gidaghanon sa mga sensilyo nga naglibot karon

Mokabat sa P1-bilyones nga mga sensilyo ang anaa karon sa sirkulasyon tungod sa nagkadaghang mga Pilipino nga naggamit sa coin deposit machines (CoDMs) sa Bangko Sentral ng Pilipinas (BSP).

Matod sa BSP, sukad ilang gilusad ang nasangpit nga programa niadtong Hunyo 2023, nakatala na sila og kapin sa 240,000 ka transaksyon sa CoDM.

Labaw sa 260 milyon nga lainlaing mga denominasyon sa mga sensilyo ang gi-withdraw gikan sa mga coin deposit machine.

Kahinumduman nga gilusad ang nasangpit nga programa alang sa mga sensilyo sa mga alkansiya.