BRP Teresa Magbanua, subling gideploy sa WPS aron i-challenge ang iligal nga presensiya sa barko sa China

Subling gideploy ang barko sa Philippine Coast Guard (PCG) nga BRP Teresa Magbanua sa may baybayon duol sa Zambales aron i-challenge ang iligal nga presensiya sa barko sa China.

Gi-ilisan sa BRP Teresa Magbanua kagahapon, Enero 28 ang BRP Cabra nga nag-adto sa Subic port aron i-unload ang patay nga lawas sa mananagat nga Pilipino nga narekober niadtong Lunes.

Sa gipaambit nga video ni PCG spokesperson for the WPS Commodore Jay Tarriela sa iyang X account, makita nga aktibo ang pag-isyu sa crew sa BRP Teresa Magbanua og radio challenge sa Chinese Coast Guard (CCG) 3304 nga namonitor nga anaa sa distansiya nga 82 hangtod 88 nautical miles gikan sa baybayon.