Nakabuhat og nakabuhat og talagsaong rekord ang British nga lalaki sa Guinness World Records human niya kaunon ang 15 ka fish sticks sulod lang sa usa ka minuto.
Si Nathan Davies, 32 anyos, migamit sa paboritong pagkaon sa iyang mga anak aron matuman ang iyang tumong nga makab-ot ang world record.
Human siya nakadaog og kapin $130,000 sa TV game show nga “The 1% Club,” gisulti niya nga sunod niyang tumong ang paghimo og rekord sa Guinness.
Matud ni Davies, gipili niya ang fish fingers tungod kay mas kaya kini niya kumpara sa ubang mga rekord sa pagkaon nga iyang nasuwayan.
Malampuson niyang nakonsumo ang 15 ka fish sticks sa gitakdang oras ug nakuha ang titulo nga pinakadaghang fish fingers nga nakaon sulod sa usa ka minuto.
Bisan og nalipay siya sa iyang kalampusan, miingon si Davies nga medyo katingad-an para kaniya nga ang iyang world record may kalabotan sa fish finger, ug nagtuo siya nga mas daghan pa unta iyang makaon kung mas gipabugnaw pa kini.
