GENSAN – Gikasubo ni Brgy. Labangal Kapitan Bobby Pacquiao ang nahitabo nga pagpamusil-patay sa usa kanegosyante sa Purok Balunto Brgy. Labangal ning dakbayan kaniadtong Domingo sa gabii, Disyembre 28.
Ang biktima nailhan nga si Allan Sayas Granada Jr., 38 anyos ug residente sa maong barangay .
Matod ni Kap. Pacquiao, kinahanglan magpabiling mabinantayon ang katawhan ilabi na human sa maong insidente, apan iyang gipasalig nga dili angay mabalaka ang mga residente sa barangay tungod kay ilang giatubang ug giatiman na ang kahimtang samtang nagpadayon pa ang imbestigasyon sa kapulisan.
Dugang pa niya, gipasiguro sa barangay nga adlaw-adlaw naga-roving ang mga barangay tanod sa maong lugar aron mapadayon ang kalinaw ug kahapsay ug malikayan ang susamang insidente sa umaabot.
