GENERAL SANTOS CITY – Gikonsidera sa PDEA nga “High value target” ang Brgy. Kagawad sa Tinagacan og ang bana niini nga ilang nadakpan sa gipahigayong raid sa Purok 8 sa maong barangay kagahapon buntag sayo. Kini ang gibutyag ni Juny Layso, Acting Spokesperson sa PDEA 12 sa pakighinabi sa Bombo Radyo.
Giila ang mga suspek nga silang Baitanto Duyang Alias Bai, 37, Barangay Kagawad sa Tinagacan og Mohasirin Duyang Alias SERIN, 36, mag-uuma nga residente sa maong lugar.
Gibutyag ni Layso, kanhi na nga natokhang si Mr. Duyang og gani nagpailawom sa community rehabilitation program human nga nagsurender.
Samtang si Kag. Duyang ang anaa sa ilang watchlist. Didto sa Cotabato ginakuha sa bana niini ang druga ug ibaligya sa Brgy. Batomelong og Tinagacan dinhi sa dakbayan, Domolok Alabel ug pipila ka kasikbit nga lugar.
Gipagawas na sa PDEA ang listahan sa matud pa narco-politician sa tibuok nasud apan mibalibad una maghatag ug mga pangalan ang PDEA-12.
kuhaan ug 21 ka gramu sa gituohang “shabu” nga adunay street value nga P142, 800.00.
