Dismayado ang Brazil sa pagtrato sa Estados Unidos sa mga ilegal ilang immigrants partikular ang mga Brazilian nga gipadeport pabalik kung asa apil ang mga bata ang nakaposas.
Gisaway sa mga otoridad ang gihimo sa Amerika nga klaro nga pagsupak sa katungod sa mga tawo.
Ang insidente ang nahitabo human nga subli nga miatubang ang Latin America og bag-ong bahad sa pagbalik ni US President Donald Trump sa White House, nga may hugot nga patakaran sa halapad nga
deportasyon sa mga illegal immigrants sa US.
Hugot nga gikondina ni Brazil Justice Minister Ricardo Lewandowski og Brazil President Luiz Inácio Lula da Silva, ang pagsupak sa nag-unang katungod sa mga Brazilian.
Ang flight gikatakda nga mupadulong sa Belo Horizonte sa Brazil apan miagi Manaus gumikan sa technical isssues.
Sa report sa Brazil federal police, may 88 ka Brazilian ang sakay sa eroplano, apan sa impormasyon sa government of Amazonas state, kung asa makit-an ang Manaus, nga may 72 ka mga pasahero ang eroplano nga 62 ang mga lalake samtang 11 ang babaye og unom ang mga bata.
Isip tubag gimando ni Brazil President Lula ang pagpadala og Brazilian Air Force aron masiguro nga luwas nga makaabot og may dignidad ang mga na-deport nga Brazilian.
