GENSAN- Human sa dakong pagsaka sa presyo sa lana, ang Business Permits and Licensing Division (BPLD) nagpadayon sa pag-inspeksyon sa mga gasolinahan sa siyudad aron masiguro ang hustong pagpatuman sa kasamtangang presyo sa mga produktong petrolyo.
Kini gipangulohan ni Atty. Rowi Arbilon P. Malayag uban sa Inspection Team.
Ang katuyoan sa kalihokan mao ang pagsiguro nga ang mga gasolinahan nagsunod sa gitakdang presyo ug mapugngan ang bisan unsang wala gitugot nga pagsaka nga mahimong makaapekto sa mga motorista ug mga konsumidor.
Padayon nga gipahinumdoman sa gobyerno sa siyudad ang mga establisemento nga hugot nga mosunod sa kasamtangang mga giya aron mapadayon ang patas ug makiangayon nga mga presyo alang sa kaayohan sa publiko.
Ang mga establisemento nga makit-ang nakalapas o milapas sa gitakdang presyo sa Department of Energy irekomenda ug ipadala sa nahisgutang ahensya alang sa angay nga aksyon.
