GENERAL SANTOS CITY – Padayon ang panawagan ni Geraldine Zamora, labaw sa Business Permits and Licenses Division kon BPLD ngadto sa mga negosyante nga wala pa nakaparenew hangtud sa pagkakaron sa ilang business permit, nga dili hulaton ang deadline una asikasohon ang business permit.
Kini gumikan sa Enero 20 na ang deadline sa renewal sa business permit.
Sumala pa nga human sa maong petsa mudawat gihapon sila ug mga magpa-renew ug business permits, apan adunay 25% nga surcharges ug 24% ang penalty.
Kahibaluan nga sa karon, mukabat na sa dul-an 2,000 ka mga business permits ang napagawas sa BPLD ning siyudad.
Kini sukad nga nagsugopd ang one-stop shop sa miaging Enero 3. Una nang gibutyag ni Zamora nga kapin sa 10,000 ka business permit ang gilauman nga magrenew karong tuiga.
