GENERAL SANTOS CITY – Wala pa nakab-ot sa Business Permit and Licensing Division (BPLD) ang ilang target nga business permit nga malukat nga anaa sa 12, 000 karong tuiga.
Matud pa ni Geraldine Zamora, BPLD Head nga sa pagkakaron anaa sa 10,700 pa lang ang ilang naisyu nga business permit.
Ang rason nganong wala nakab-ot ang target gumikan daghan ang gusto nga magkuha og business apan dili pwede hatagan sa syudad.
Iyang gibutyag nga kini gumikan daghan sa luna nga gitukuran sa mga gambalay ang walay problema.
Kung may problema dili maghatag og building permit ang syudad.
Ang panawagan ni Zamora sa gusto nga magnegosyo ilabi sa mga magrenta nga una maghatag og downpayment o reinnovate ang area pangutan-on ang tag-iya kung adunay building permit.
Kung may building permit dali na lang kuhaon ang occupancy permit.
Kahibaluan nga base sa balaod nga dili na pwede hatagan og business permit ang usa ka negosyante kung walay occupancy permit nga maangkon ang maong dokomento kung adunay building permit ang tag-iya.
