Malampusong na-intercept sa mga personnel sa Bureau of Plant Industry ang 19 ka container vans gikan sa Manila South Harbor.
Ang BPI nihangyo sa BOC nga dili na lang i-release ang nahisgutang gidaghanon sa mga container vans human nasuta nga sayop ang kargamento.
Sa usa ka pamahayag, si Department of Agriculture-Bureau of Plant Industry Director Gerald Glenn Panganiban niingon, ang mga kargamento gideklarar nga adunay sulod nga 550 metriko tonelada sa frozen fried taro sticks, taro sweet potato balls ug bisan sa ubang matang sa frozen food products.
Ang maong kargamento ginganlan og Straradava nga niabot sa pantalan niadtong Enero 21.
Gipasalig ni Agriculture Secretary Francisco Tiu Laurel Jr. nga ang ilang ahensya nagpabiling pasalig sa pagpatuman sa Anti-Agricultural Economic Sabotage Act.
Tumong niini nga mahatagan og proteksyon ang mga konsumidor, aron mapanalipdan ang interes sa mga lokal nga mag-uuma.
