Tabla ang resulta sa 3 rounds exhibition fight ni Manny Pacquaio batok kang Japanese mixed martial artist Rukiya Anpo.
Makita usab sa dula nga agresibo ang Hapon sa unang round nga nagbuhi ug mga kombinasyon nga nakaigo kang Pacman. Namintina kini sa Hapon hangtud sa unang minuto sa ikaduhang round pinaagi sa mga jab ug uppercut apan paghidangat sa nahibiling minuto sa 2nd round, natagamtangan ni Anpo ang kabug-at sa mga kombinasyon gikan kang Manny.
Samtang paghidangat sa ikatulo kon katapusang round, nahimong mas limpyo na ang pag-igo sa mga kinumo ni Pacman ngadto sa Hapon.
Makita usab nga naluya si Anpo sa katapusang bahin sa round.
Sa exhibition match, sagad nga basehan sa daug kon adunay knockout o kaha dili malilong nga nahimong dominante ang usa.
