-- ADVERTISEMENT --
Nagtuo ang International Olympic Committee (IOC) nga maapil gyud ang boksing sa 2028 Los Angeles Olympics.
Matod ni IOC Chief Thomas Bach nga ang boksing nakaporma na og bag-ong governing body.
Giaprobahan sa IOC Executive Board ang boxing sa 2028 program human giila ang World Boxing isip organisasyon nga modumala sa maong sport sa Olympics.
Aron hingpit nga maapil ang mga dula, kinahanglan una kini nga hingpit nga aprobahan sa 100 ka mga miyembro sa IOC sa umaabot nga mga adlaw.
Kahinumdoman nga ang IOC nag-organisar og boxing tournaments atol sa Tokyo Olympics 2021 ug Paris Olympics sa miaging tuig human sa pagkabungkag sa Russia’s International Boxing Association tungod sa isyu sa kuwarta, liderato, ug pagkabahinbahin.
-- ADVERTISEMENT --
